الإعلامية رضوى الشربيني تكشف عن مواصفات فتى أحلامها

كشفت الإعلامية المصرية رضوى الشربيني عن مواصفات فتى أحلامها، أثناء استضافتها في برنامج “أنا والقناع” الذي تقدّمه الإعلامية منى عبد الوهاب على قناة “الحياة”،

وقالت رضوى: “لازم يكون راجل قادر والقدرة هنا بمعنى إنه يكون قادر على العفو عند المقدرة عشان ميبصش على أخطائي ولا صغائر الأمور اللي أنا بعملها، ولازم يكون قوي ويشاركني كل أموري ويكون سند وقوته دي تكون معايا مش عليا ولما يقرر إنه مش عاوز رضوى الشربيني ميعملش أي حاجة غير إنه يقول لي في وجهي أنا آسف مش قادر أكمل”.

وأكملت وصفها قائلة: “لازم يكون ناجح مقدرش أتجوز راجل مش ناجح ولا أنا أكون أنجح منه، ويكون عنده طموح ويتقي ربنا في البني آدمين ومكونش أنا أولهم لكن مامته وباباه، ولازم يكون بيحبني قوي وبيهتم بيا قوي ويعرف يتعامل معايا لأن أنا صعبة، ويكون حنين وطيب ودمه خفيف عشان مقدرش أتجوز راجل دمه تقيل أبداً، ويكون شيك وخفيف في نفسه”.

وأشارت الشربيني خلال اللقاء إلى أنها ليست عدوة للرجال، كما يعتقد البعض، بل عدوة أشباه الرجال المنتشرين في المجتمع قائلةً: “أنا جيت في الدنيا بسبب راجل وهو أبويا وسندي في الدنيا راجل هو أخويا، وطليقي راجل محترم، وبالتالي أنا مش عدوة الرجالة، أنا عدوة أشباه الرجال، اللي بيضرب مراته مينفعش يقال عليه راجل، واللي بيشغل مراته بالسُخرة، وهو قاعد في بيته مش راجل، واللي بيعشم دي ودي بالجواز وما يوفيش مش راجل”.

وأكدت أنها صادفت الحب الحقيقي بعد طلاقها وأنه لم يكن تعويض عاطفي وإنما قصة حب حقيقية، لافتة إلى أنها قصة عابرة وانتهت ولا تحب الحديث عنها.