«امتى المهنة تنضف؟».. أحمد فلوكس يشن هجوماً عنيفاً على هادي الباجوري

القاهرة - شن الفنان المصري أحمد فلوكس هجوماً عنيفاً على المخرج هادي الباجوري الذي أدلى بتصريحات مثيرة للجدل حول قبوله بأن تؤدي زوجته الفنانة ياسمين رئيس مشاهد رومانسية.

ونشر فلوكس صورة للمخرج هادي الباجوري، عبر حسابه الرسمي بموقع التواصل الاجتماعي «فيسبوك»، وعلق عليها قائلًا: «ناس مين اللي بتسيب بناتها وزوجاتها تلبس مايوه عريان مش فاهم... اتكلم عن نفسك يا ريس وعن نوعك».

وأضاف: «أنت ماعندكش مشاكل أن مراتك تتباس ده موضوعك مش موضوعنا، براحتك.. لكن ده أنت وده نوعك انت إحنا لا.. أنت بتقول إيه.. اتقِ الله».

وتابع: «يعني واحد بيشم يبقى كل الناس شمامة واحد فاشل تبقى كل الناس فشلة، وللأسف الكلام متاخد عنوان وللأسف أنا مش فاهم يعني ولا عمل ليه ناجح حتى شريهان عودتها سواء مسرح أو إعلان مش هاتكلم ولا كأنها رجعت.. ولسه أساسا بيشتغل.. امتى المهنة دي تتعدل وتنضف بقى.. خلوها تنضف».

وكان الباجوري قد صرح لبرنامج «كلام الناس»، قائلاً: «ماعنديش مشكلة زوجتي ياسمين رئيس تعمل مشهد رومانسي في أعمالها، ومقدرش أقول غير كده، لأني بعمل مشاهد رومانسية وإزاي هقولها لا؟ هتقولي إنت منافق».